ഒഴൂർ
ഗ്രാമ പഞ്ചായത്ത്

🏛️ഗ്രാമസഭ

👥ഗ്രാമസഭ

ഒരു ഗ്രാമപഞ്ചായത്തിന്റെ ഭൂപ്രദേശത്തിൽ ഉൾപ്പെട്ട ഒരു ഗ്രാമത്തെ സംബന്ധിച്ച വോട്ടർപട്ടികയിൽ പേര് ചേർത്തിട്ടുള്ള എല്ലാ ആളുകളും ചേർന്നതാണ് ആ ഗ്രാമത്തിന്റെ ഗ്രാമസഭ. ഒരു വാർഡിലെ വോട്ടർ ആ വാർഡിലെ ഗ്രാമസഭയിലെ അംഗമാണ്.

📌കൺവീനർ

വാർഡ് മെമ്പർമാർ ഗ്രാമസഭകളുടെ കൺവീനർമാരാണ്. ആവശ്യമായ സാഹചര്യങ്ങളിൽ മറ്റൊരു വാർഡംഗത്തെ കൺവീനറായി നിയമിക്കാം.

🎙️അധ്യക്ഷൻ

ഗ്രാമസഭയിൽ ഗ്രാമപഞ്ചായത്ത് പ്രസിഡന്റ് അധ്യക്ഷത വഹിക്കുന്നു. അസാന്നിധ്യത്തിൽ വൈസ് പ്രസിഡന്റ് അല്ലെങ്കിൽ കൺവീനർ ചുമതല നിർവഹിക്കും.

📅യോഗം വിളിക്കൽ

യോഗങ്ങൾ വിളിച്ച് ചേർക്കേണ്ട ഉത്തരവാദിത്വം കൺവീനർ കൂടിയായ വാർഡ് അംഗത്തിനാണ്.

✅ക്വോറം

ആകെ വോട്ടർമാരുടെ 10% ആണ് ക്വോറം. ക്വോറം തികയാതെ മാറ്റിവെച്ച യോഗം വീണ്ടും ചേരുമ്പോൾ ക്വോറം 50 അംഗങ്ങളായിരിക്കും.

📝പ്രത്യേക യോഗം

ഒരു വാർഡിലെ 10% വോട്ടർമാർ രേഖാമൂലം ആവശ്യപ്പെട്ടാൽ 15 ദിവസത്തിനകം പ്രത്യേക ഗ്രാമസഭ വിളിച്ചു ചേർക്കേണ്ടതാണ്.

🤝കോ-ഓർഡിനേറ്റർ

ഗ്രാമപഞ്ചായത്ത് നിശ്ചയിക്കുന്ന ഉദ്യോഗസ്ഥൻ കോ-ഓർഡിനേറ്ററായി പ്രവർത്തിക്കുകയും കൺവീനറെ സഹായിക്കുകയും ചെയ്യും.

❓ചോദ്യങ്ങളും നിർദ്ദേശങ്ങളും

യോഗത്തിന് മുൻപോ യോഗത്തിനിടയിലോ അംഗങ്ങൾക്ക് ചോദ്യങ്ങളും നിർദ്ദേശങ്ങളും എഴുതി സമർപ്പിക്കാം.

📜പ്രമേയങ്ങൾ

ഗ്രാമസഭയുടെ അധികാരപരിധിയിലുള്ള വിഷയങ്ങളിൽ ഭൂരിപക്ഷ അടിസ്ഥാനത്തിൽ പ്രമേയങ്ങൾ പാസാക്കാവുന്നതാണ്.

⚙️അധികാരങ്ങളും ചുമതലകളും

🏗️പദ്ധതി ആസൂത്രണവും നിർവഹണവും

• വികസന പദ്ധതികൾക്കാവശ്യമായ വിവരങ്ങൾ ശേഖരിക്കുക.
• പദ്ധതി നിർദ്ദേശങ്ങൾ തയ്യാറാക്കി മുൻഗണന നിശ്ചയിക്കുക.
• സന്നദ്ധ സേവനവും സാമ്പത്തിക സഹായവും നൽകുക.

💧പൊതുസൗകര്യ പദ്ധതികൾ

• തെരുവുവിളക്കുകൾ സ്ഥാപിക്കേണ്ട സ്ഥലങ്ങൾ നിർദ്ദേശിക്കുക.
• പൊതുജലവിതരണ ടാപ്പുകൾ, കിണറുകൾ എന്നിവയുടെ സ്ഥലം നിർദ്ദേശിക്കുക.
• ശുചിത്വ, ജലസേചന പദ്ധതികൾക്ക് നിർദ്ദേശങ്ങൾ നൽകുക.

🛠️മരാമത്ത് പ്രവർത്തനങ്ങൾ

• പ്രവൃത്തികളുടെ എസ്റ്റിമേറ്റ് വിവരങ്ങൾ അറിയുക.
• ഗുണഭോക്തൃ കമ്മിറ്റികളെ സഹായിക്കുകയും നിരീക്ഷിക്കുകയും ചെയ്യുക.
• നടപ്പാക്കാനിരിക്കുന്ന പ്രവൃത്തികളുടെ വിശദാംശങ്ങൾ ശേഖരിക്കുക.